ФутболымкIэ Урысыем изэнэкъокъу иятIонэрэ лигэ щешIэрэ Мыекъопэ «Зэкъошныгъэм» республикэм икъэлэ шъхьаIэ щыриIэгъэ зичэзыу ешIэгъур Махачкала икомандэу «Легионым» шIуихьыгъ.

«Зэкъошныгъ» — «Легион» — 0:2 (0:1).
Зэкъошныгъэм щешIагъэх:
Т. Хачировыр, У. Магомедбековыр, И. Оразаевыр, М. Ягьяевыр, З. Коблыр, А. Зе­зэрахьэр (А. Хьасанэ­къор), М. Коломийцевыр, Ш. Гайдаровыр, Н. Сергеевыр, С. Хубежевыр (К. Аухадеевыр), А. Де­лэкъор.
«Зэкъошныгъэр» текIоныгъэм фэбэнэным фэхьазырыгъ. Ау хьакIэхэр лъэшыгъэх, Iэгуаор бэрэ аIыгъыгъ ыкIи псынкIэу ыпэкIэ илъыщтыгъэх. Я 36-рэ такъикъым ахэм пчъагъэр къызэIуахыгъ. Адыгеим ифутболистхэм Iэгуаор къэлапчъэм дадзэным амалэу яIэр рахьылIагъ, ау зыгъэпсэфыгъо уахътэр къэмысызэ ар афызэшIокIыгъэп. Ар хэгъэ­кIи, ятIо­нэрэ таймым ипэублэ «Легионым» пчъагъэм хигъэхъуагъ. Ащ ыуж хьакIэхэр нахь зэкIэкIуагъэх, якъэлапчъэ къагъэгъунэу. Ау «Зэкъошныгъэм» Iэгуаор къэлапчъэм дидзэн фызэшIокIыгъэп, 2:0-у зэIукIэгъур аухыгъ. Тикомандэ зэкIэлъыкIоу тIогъогогъо къытекIуагъэх, тфэгъогогъо икъэ­лапчъэ Iэгуаор къыдадзагъ.

Турым изэфэхьысыжьхэр:
«Строитель» — «Победа» — 2:1, «Рубин Ялта» — «Севастополь» — 0:2, «Динамо-2» — «Кубань Холдинг» — 0:2, «Рос­тов-2» — «Астрахань» — 3:0, «Зэкъошныгъ» — «Легион» — 0:2, «Биолог-Новокубанск» — «Ала­ния-2» — 4:0, «Ангушт» — «Спартак Налщык» — 0:1, «Форте» — «Динамо Ставрополь» — 1:1.
Командэхэр зыдэ­щыт чIыпIэхэр ыкIи очко пчъа­гъэу рагъэ­къугъэр:

1. «Астрахань» — 20.
2. «Севастополь» — 18.
3. «Легион» — 17.
4. «Рубин Ялта» — 16.
5. «Ростов-2» — 15.
6. «Кубань Холдинг» — 15.
7. «Строитель» — 15.
8. «Форте» — 14.
9. «Динамо Ставрополь» — 13.
10. «Биолог-Новокубанск» — 12.
11. «Спартак-Налщык» — 12.
12. «Зэкъошныгъ» — 10.
13. «Нарт» — 10.
14. «Победа» — 9.
15. «Ангушт» — 9.
16. «Алания-2» — 7.
17. «Динамо-2» — 2.
    КъыкIэлъыкIощт турым къыды­хэлъытэгъэ зэIукIэгъур «Зэкъошныгъэм» Черкесскэ щыриIэщт, чIыпIэ командэу «Нартым» де­шIэщт.