ШахматхэмкIэ Мыекъуапэ ия 79-рэ чемпионат мы мафэхэм рагъэкIокIыгъ. Мы спорт лъэпкъымкIэ республикэм икъэлэ шъхьаIэ испортсмен анахь лъэшэу Николай Удовиченкэм текIоныгъэр къыдихыгъ.

ХагъэунэфыкIырэ чIыпIэхэм нэбгырэ 18 афэбэнагъ, швейцарскэ шIыкIэм тетэу ахэр зэнэкъокъугъэх. Зэфэхьысыжьхэм къызэрагъэлъэгъуагъэмкIэ, нэбгырищмэ очкоуи 5,5-рэ зырыз рагъэкъугъ. Къэгъэлъэгъон тедзэхэмкIэ текIоныгъэр къыди­хыгъ ыпшъэкIэ зигугъу къэтшIыгъэ Н. Удовиченкэм. ЯтIонэрэ ыкIи ящэнэрэ чIыпIэхэр афа­гъэшъоша­гъэх Даниил Козленкэмрэ Степан Давыден- кэмрэ.
Бзылъфыгъэхэм язэнэкъокъуи гъэшIэгъонэу кIуагъэ. КIэухым нэбгырищмэ зэфэдэ къэгъэлъэгъонхэр яIэу къы­чIэкIыгъ. Чемпионкэ хъугъэ Анастасия Мельниковар, тыжьын ыкIи джэрз медальхэр афагъэшъошагъэх Амалия Григорянрэ Эллионора Суховамрэ.