Адыгеим испортсменкэ тхэквондомкIэ Урысыем икIэлэ­еджакIохэм яя XII-рэ гъэмэфэ Спартакиадэ ифинал едзыгъо хэлэжьэнэу фитыныгъэ къыди­хыгъ.

Мыщ фэгъэхьыгъэ шъолъыр зэнэкъо­къухэр Ростов хэкум ит къалэу Шахты щыкIуагъэх.
Адыгэ Республикэр турнирым къыщызыгъэлъэгъуагъэр нэбгыритф, ахэм республикэ спорт еджапIэу N 2-м зыща­гъасэ. Зы нэбгыр ныIэп медаль къэзымыхьыгъэр. ЯтIонэрэ чIыпIэр къыдахыгъ Хьашхъо Адам, Владимир Власовым ыкIи Дзэгъэщтэ Аринэ. ТекIоныгъэр къызыфагъэ­шъошагъэр Амина Ристовар ары. Ащ мэкъуогъум и 14-м щегъэжьагъэу и 17-м нэс Спартакиадэм иаужырэ уцугъоу Красноярскэ щыкIощтым Ады­геир къыщигъэлъэгъощт.