Шъухэлэжьэнэу шъурагъэблагъэ
![Image description](images_upload?image_name=2024/05/настольный-теннис.jpg)
Теннис цIыкIумкIэ Мыекъуапэ изэIухыгъэ чемпионат жъоныгъуакIэм и 26-м зэхащэщт.
Зыныбжь илъэс 35-м ехъугъэхэм ащ зыщаушэтын алъэкIыщт. Iофтхьабзэр зыщыкIощтыр физическэ культурэмкIэ ыкIи дзюдомкIэ и Институм испортзал ары.
— Урысыем щыпсэухэу мы спорт лъэпкъыр зыгу рихьыхэрэр зэнэкъокъум хэлэжьэнхэу зэхэщакIохэм рагъэблагъэх, — къыщаIуагъ Мыекъуапэ физическэ культурэмкIэ ыкIи спортымкIэ и Комитет.