ЖъоныгъуакIэм и 24-р —славян тхыбзэмрэ культурэмрэ я Маф
Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!
Славян тхыбзэмрэ культурэмрэ я Мафэ фэшI тышъуфэгушIо!
Илъэсишъэ пчъагъэ хъугъэу лIэужхэм шIэныгъэу яIэр, ягушъхьэлэжь шэн-хабзэхэр, культурэ шIуагъэхэр зэIэкIагъэхьажьынхэмкIэ амалышIоу щытых бзэмрэ культурэмрэ.
Мы мэфэкI мафэр хэдгъэунэфыкIызэ, тихэгъэгу лIэшIэгъубэ къызэпызычыгъэ итарихъ лъытэныгъэ ин фэтэшIы, ащ икультурэ-тарихъ кIэн бай мэхьанэшхо зэриIэр къыхэтэгъэщы.
Адыгэ Республикэу цIыф лъэпкъи 100-м ехъумэ къахэкIыгъэхэр зэгурыIохэу зыщыпсэухэрэм къэралыгъуабзэу щагъэфедэхэрэм урысыбзэр яз, лъэпкъхэр зэгурыIонхэмкIэ, ахэм якультурэхэр зэрэгъэбаижьынхэмкIэ ар амалышIоу щыт.
Тэ зэкIэхэми типшъэрылъыр лъэпкъ зэфэшъхьафхэм къахэкIыгъэхэу Урысыем щыпсэухэрэм зэдыряе байныгъэу щыт урысыбзэр къаухъумэным къыткIэхъухьэхэрэр фэпIугъэнхэр ары.
ТичIыпIэгъу лъапIэхэр, псауныгъэ пытэ, щыIэкIэшIу шъуиIэнэу, Адыгеимрэ тикъэралыгъорэ яфедэ зыхэлъ ублэпIэ пстэуми гъэхъагъэхэр ащышъушIынхэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр