Адыгэ къэралыгъо универститетым химиемкIэ Урысые Iорытх щыкIуагъ. Къэралыгъом очнэ шIыкIэу зыщатхыгъэ чIыпIэ закъоу ар хъугъэ.

Iофтхьабзэм пэIудзы­гъэуи ухэлэжьэн плъэ­кIыщт, ау аужырэ илъэс­хэм нахьыбэмэ очнэ шIы­кIэр къыхахы. Мыгъэ ащ нэ­бгырэ 42-рэ хэлэжьагъ. Ахэр апшъэрэ, гурыт еджа­пIэхэм яIофышIэх ыкIи яеджакIох.
— Мыщ фэдэу тхьапэр пIыгъэу ухэлажьэмэ, хъу­рэ-шIэрэр нэфэшъхьафэу зэхэошIэ. ЯтIонэрэмкIэ Iорытх ужым чIыпIэ го­рэ­хэмкIэ упчIэхэр зэхэпфы­жьынхэ, ощ фэдэу хэлэ­жьагъэм удэгощэн олъэ­кIы, — къыIуагъ АКъУ-м естественнэ шIэныгъэ­хэмкIэ ифакультет идоцентэу Юлия Демченкэм.
ГъэшIэгъон хъугъэр химиемкIэ Iорытхыр зы­тхыгъэхэр а лъэныкъом хэгъэщэгъэ закъохэр арэп. Фэшъхьаф сэнэхьатхэр зиIэхэу, ащ пэчыжьэхэм ашIогъэшIэгъонэу ащ хэлэжьагъэх.
Зызыушэтыгъэхэр гъэцэкIэнхэм ахэдэнхэ амал яIагъ: зыр — гъэхьылъэгъагъ, адырэр нахь псын­кIагъ. УпчIэхэри десэхэри цIыфым иакъыл ипсынкIагъэ, игулъытэ, зэкIэлъыкIо­кIэ гупшысакIэу IэкIэлъым ягъэунэфын тегъэпсыхьэгъагъэх. ПстэумкIи ашIогъэшIэгъоныгъэу бэмэ къыхагъэщыгъ.
Зэфэхьысыжьхэр жъоныгъуакIэм и 27-м къэ­нэфэщтых, фаехэм ар къэ­зыушыхьатырэ тхылъхэр аратыжьыщтых.
Адыгэ къэралыгъо университетым ипресс-къулыкъу