Мыекъуапэ икIэлэеджа­кIохэм я Спартакиадэ изэфэхьысыжьхэр къэнэфагъэх. ТекIоныгъэр ыкIи хагъэунэфыкIырэ чIыпIэхэр къыдэзыхыгъэхэм Мыекъопэ къэлэ администрацием щафэгушIуа­гъэх.

Шъугу къэдгъэкIыжьын, Iоф­тхьабзэр 2023-рэ илъэсым чъэпыогъум щегъэжьагъэу мы илъэ­сым ижъоныгъокIэ мазэ нэс кIуагъэ. А уахътэм къыкIоцI рес­публикэм икъэлэ шъхьаIэ гъэсэныгъэмкIэ иорганизацие 26-мэ ачIэс кIэлэеджэкIо мини 8-м ехъу спорт лъэпкъи 10-кIэ зэнэкъокъугъэх.
Лъэныкъо пэпчъкIэ анахь дэгъухэр къыхагъэщыщтыгъэх, ащ елъытыгъэу командэхэм баллхэр къафалъытэщтыгъэх. Хабзэ зэрэхъугъэу, еджапIэхэр купитIоу гощыгъагъэх, ахэм ачIэс кIэлэеджакIохэм япчъагъэ елъытыгъэу. Апэрэ купым балл зэ­фэдиз щырагъэкъугъ лицееу
N 19-мрэ гимназиеу N 22-мрэ. Ахэм текIоныгъэр афагъэшъошагъ. Гурыт еджапIэу N 3-м ящэнэрэ чIыпIэр къыдихыгъ, ­еджапIэу N 17-м илIыкIохэр ящэнэрэх. ЯтIонэрэ купым командэ 15 хэтыгъ. ЯтIонэрэ илъэс хъугъэу текIоныгъэр къыдехы къутырэу Гавердовскэм дэт гъэсэныгъэм игупчэу N 18-м. ­Мыекъопэ гимназиеу N 5-р ятIонэрэ хъугъэ, еджапIэу N 10-р ящэнэр.
ТекIоныгъэр ыкIи хагъэунэфыкIырэ чIыпIэхэр къыдэзыхыгъэхэм спорт шIухьафтынхэр, кубкэхэр, щытхъу тхылъхэр ыкIи медальхэр афагъэшъошагъэх.