Джэрз медаль къыхьыгъ
Адыгеим ибоксерэу боксымкIэ Урысыем ипервенствэ хэлэжьагъэм джэрз медаль къыдихыгъ.
Ар къалэу Краснодар щыкIуагъ, илъэс 19 — 22-рэ зыныбжь спортсменхэм заушэтыгъ. Зэнэкъокъухэр спортымкIэ дунэе класс зиIэ мастерэу Николай Павлюковым ишIэжь фэгъэхьыгъагъэх.
ЗэкIэмкIи турнирым нэбгырэ 303-рэ хэлэжьагъ, ахэр къэралыгъом ишъолъыр 57-мэ къарыкIыгъэх. Килограмм 51-м нэс къэзыщэчыхэрэм якуп зыщаушэтыгъ Адыгеим ибоксерхэу Мушег Баяндурянрэ Евгений Жоровымрэ. НыбжьыкIэхэм япервенствэу бэмышIэу щыIагъэм мы нэбгыритIуми текIоныгъэр къыщыдахыгъагъ. Ау мызэгъэгум Е. Жоровым ятфэнэрэ чIыпIэр къыдихыгъ, М. Баяндурян джэрз медаль къыфагъэшъошагъ. Мушег итренерыр Урысыем спортымкIэ имастерэу Карлен Восканян, кIэлакIэм зызщигъасэрэр республикэ спорт еджапIэу N 3-р ары.