ФутболымкIэ Адыгеим ичемпионат иапэрэ къе­кIокIыгъор аухынкIэ командэхэм бэп къафэна­гъэр.

Мы къэблэгъэрэ зыгъэпсэфыгъо мафэхэм «Чэчэнаимрэ» Адыгэ къэралыгъо университетымрэ зэIукIэщтых, ащкIэ зэнэкъо­къум иапэрэ едзыгъо аухыщт. Командэхэм ащыщхэм яешIэгъу­хэр зэрэзэкIахьагъэхэм къыхэкIэу джыри зэIукIэгъу заулэ яIэщт. «Чэчэнаимрэ» «Урожаимрэ» ешIэгъу тIурытIу ныIэп яIагъэр.
Мы блэкIыгъэ зыгъэпсэфыгъо мафэхэм «Кавказ Адэмый» зыфиIорэр «Чэчэнаим» текIуагъ. ПлIэгъогогъо къэлапчъэм Iэгуаор дидзагъ Денис Павловым. А къэ­гъэлъэгъон дэдэр иI «АГУ-м» щешIэрэ Шъхьэлэхъо Амири. Мыр зыхэт командэр «Мыекъуапэ» дешIагъ ыкIи 7:1-у текIоныгъэр къыдихыгъ.
Командэхэр зыдэщыт чIыпIэхэр ыкIи очко пчъа­гъэу рагъэкъугъэр:

1. «Кавказ Адэмый» — 12.
2. «АГУ» — 9.
3. «Кощхьабл» — 4.
4. «Урожай» — 3.
5. «Чэчэнай» — 1.
6. «Мыекъуапэ» — 0.