ГъашIэм ыпашъхьэ нэбгы-рэ пэпчъ пшъэдэкIыжь щыриI — зэрэцIыфыр иIофшIагъэхэмкIэ, игухэлъхэмкIэ, зэкIэ ищыIэкIэ-гъэпсыкIэкIэ къыриIотыкIыныр. Ау а пшъэ­рылъым шъыпкъэны-гъэу хэти фыриIэр зэфэдэп. Зыр акъылкIэ мэпсэу, адрэр — зэхашIэхэмкIэ, ящэнэрэм нэй-псыягъэр къытекIо.

ЦIыфхэр анэгухэмкIэ зэрэзэфэмыдэхэм фэдэу, яакъылкIи, ягухэлъкIи зэтекIых. Ау цIыф тэрэзыр анахьэу зэрыгъуазэрэр акъылыр ары. Акъыл губзыгъэр ары лъэпкъым лъэпсэ пытэ езыгъэшIырэр. Ащ фэдэ цIыф зигугъу къэтшIы тшIоигъор. АкъылышIугъэр, Iушыгъэр зигъогогъугъэ цIыф. Ар Адыгэ Республикэм игимназие икIэлэегъэджэ пэрытхэм ащыщэу Унэрэкъо Фатим.
Фатимэ игъашIи, игубзыгъагъи зы­фэлэжьагъэр лъэпкъым хахъо ышIыныр, ныбжьыкIэхэм япIуныгъэ-гъэсэныгъэ фигъэIорышIэныр ары.
ТиеджапIэкIэ чIэнэгъэшхо тшIыгъэу тэлъытэ. Фатимэ кIэлэегъэджэ къодыягъэп, цIыф Iушэу, гулъытэ чан зиIэ бзылъфыгъэу, упчIэжьэгъу пшIынэу, акъыл куу къыкIэрыпхынэу щытыгъ. Щысэ зытепхын плъэкIын кIэлэегъа­джэу тиIофшIэгъухэм ахэтыгъ. КIэлэеджакIохэми яныбджэгъугъ, яшъэ­фэгъугъ. Ны-тыхэм арамыIощт пчъагъэ рахьылIэщтыгъ. Фатимэ физик-хьисап сэнэхьат зэриIагъэм фэшъхьафэу, лъэпкъ Iофыгъохэм язэшIохын иIа­хьышIу хилъхьэщтыгъ. Усэхэр, орэдхэр, зэхахьэмэ ясценариехэр адыгабзэкIэ ытхыщтыгъ.
ЗэIофшIэгъухэмкIэ Фатимэ ренэу тыгу илъыщт, тщыгъупшэщтэп.
КIыкI Нуриет.
АР-м игимназие ипащ.