Адыгеим икомандэу «АГУ-Адыифым» иныбжьыкIэ команди 2023 — 2024-рэ ешIэгъу илъэсыр ыухыгъ. Ащ я 12-рэ чIыпIэр къыдихыгъ.

Республикэм илIыкIохэм аужырэ зэIукIэ­гъоу яIагъэхэр Мыекъуапэ щыкIуагъэх. «Университет-2» ыкIи «Лада-СШОР» зыфиIохэрэм адешIагъэх. Ижевскэ икомандэ ешIэгъуитIури къышIуахьыгъ, ау Тольятти къикIыгъэхэр къатекIуагъэх.
Адыгеим икомандэ зэкIэмкIи ешIэгъу 48-рэ иIагъ, текIоныгъи 9 къыдихыгъ, тIогъогогъо пчъагъэр зэфэдизыгъ, адрэхэр шIуахьыгъэх. Зэнэкъокъум текIоныгъэр къыщыдэзыхыгъэр Звенигород икомандэу «Звезда-УОР». ТапэкIэ тикомандэ нахь тигъэгушIонэу тэгугъэ.
Командэхэр зыдэщыт чIыпIэхэр ыкIи очко пчъагъэу
рагъэкъугъэр:

1. «Звезда-УОР» — 89.
2. «ЦСКА-2» — 87.
3. «Ростов-Дон-3» — 79.
4. «Динамо-Синара-2» — 79.
5. «Лада-СШОР» — 61.
6. «Луч-2» — 53.
7. «Кубань-2» — 39.
8. «УОР N 2 Звенигород» — 29.
9. «Черноморочка-2» — 29.
10. «Ставрополье-СУОР» — 26.
11. «Астраханочка-СШОР» — 23.
12. «АГУ-Адыиф» — 20.
13. «Университет-2» — 10.