Урысыем иджырэ тарихъ и Къэралыгъо гупчэ музей загъэпсыгъэр мыгъэ илъэси 100 зэрэхъурэр хегъэунэфыкIы.

Ащ фэгъэхьыгъэ Iофтхьэбзэ зэфэшъхьафхэр къэралыгъом имузейхэм ащызэхащэх. Адыгейри ахэм ахэлажьэ. Илъэсым къыкIоцI рееспубликэм имузейхэм къэгъэлъэгъон ыкIи Iофтхьэбзэ зэмылIэужыгъохэр ащыкIощтых. Язырэр АР-м и Лъэпкъ музей щырекIокIыгъ. Мыекъуапэ иеджапIэу N 16-м икIэлэ­еджакIохэр ащ рагъэблэгъагъэх. Урысы­ем иджырэ тарихъ и Къэралыгъо гупчэ музей икъежьапIэ, гъогоу къыкIугъэр, ихъарзынэщ ибаиныгъэ ахэр нэIуасэ фашIыгъэх. Анахьэу анаIэ зытырагъэтыгъэр Хэгъэгу зэошхом фэгъэхьыгъэ лъэхъаныр ары.
ШъушIэным пай:
Мы музеир 1924-рэ илъэсым жъоныгъуакIэм и 9-м агъэп­сыгъ. Анахь инэу дунаим икъэралыгъохэм арытхэм ащыщ. Тарихъым инэпэеплъ пкъыгъо миллионым нахьыбэр ихъарзынэщхэм ащыухъумагъ.
Бжыхьэкъо Бэл.