Кушъхьэфэчъэ спортымкIэ зэнэкъокъу къуаджэу Тэ­хъутэмыкъуае щыкIуагъ.

Хэгъэгу зэошхом ТекIоныгъэр къызщыдахыгъэр илъэс 79-рэ зэрэ­хъугъэм ыкIи Тэхъутэмыкъое районыр загъэпсыгъэм ия 100-рэ илъэс Iофтхьабзэр фэгъэхьыгъагъ.
Мы мафэм районым щыпсэурэ нэбгырэ 300 фэдиз кушъхьэфа­чъэ­хэм атетIысхьагъэх. Зэнэкъо­къум хэлажьэхэрэр купитIоу гощыгъагъэх: илъэс 18-м нэмысыгъэхэр ыкIи ащ шIокIыгъэхэр.
НыбжьыкIэхэм якуп текIоныгъэр къыщыдахыгъ поселкэу Прикубанскэм щыщ Леонид Щепелевымрэ псэупIэу Яблоновскэм дэс Татьяна Жукрэ. Нахьыжъхэм къахэщыгъэх ыкIи апэрэ чIыпIэр къыдахыгъ къуа­джэу Щынджые щыщ Талъэкъо Адамрэ поселкэу Инэм къэзыгъэлъэгъогъэ Анастасия Акопянрэ.
Джащ фэдэу зэхэщакIохэм къыхагъэщыгъэх зэнэкъокъум хэлэжьагъэхэу зыныбжьыкIэ анахьыжъыр ыкIи анахьыкIэр. Ахэр илъэс 80 зыныбжь Владимир Шуманрэ (поселкэу Новэр) илъэси 4 зыныбжь Абрэдж Аскэррэ (къуаджэу Щынджый).