Адыгеим ошIэ-­дэмышIэ IофхэмкIэ и Министерствэ республикэм щыпсэухэрэми, ихьакIэхэми агу
къе­гъэкIыжьы транспортми, цIыфхэр жъугъэу зыщызэ­рэугъоирэ нэмыкI чIыпIэхэми зэращысакъынхэ фаер.

Зыми имые пкъыгъор общественнэ чIыпIэм (урамым, общественнэ транспортым, тучаным, сатыу гупчэм, кино­театрэм) къызыщыжъугъоткIэ:
— шъуемыI, лъакъокIэ шъунэмыс — къагъэорэ пкъыгъоу ар къычIэкIын ылъэкIыщт;
— уахътэу, чIыпIэу къы­зыщыжъугъотыгъэр жъугъэнаф;
— полицием иIофы­шIэхэу, къэрэгъулхэу, цIыф къызэрыкIохэу пкъыгъом пэблагъэу щытхэм анаIэ ащ тыряжъугъадз;
— цIыфэу блэкIыхэрэр ащ нахь пэчыжьэ хъунхэм иамалхэр зешъухьэх;
— оперативнэ-следственнэ купыр къэсыфэ шъуеж, шъо шыхьатэу шъузэрэщытыр зыщышъумыгъэгъупш.
ЦIыфхэр жъугъэу зыщызэIукIэрэ чIыпIэхэм (урамым, паркым, скверым, сатыу гупчэм, ки­нотеатрэм ыкIи нэмыкI­хэм) шъуащыIэ зыхъукIэ:
— шъусакъ, цIыфыбэ зыщызэIукIэрэ чIыпIэхэм защышъудзый;
— лъэшэу сакъыхэрэ е закъыхэзгъэщынэу пылъ цIыф мыцыхьэшIэгъухэм шъунаIэ атешъудз;
— гъогурыкIоным ишапхъэхэр аукъохэзэ агъэуцугъэ автомобильхэм ярегистрационнэ номер зэжъугъашI, дзыохэр, къэм­ланхэхр е нэмыкIхэр ащ фэдэ автомо­бильхэм къарызыхыхэрэм ыкIи арызылъхьэхэрэм анэгу зэхэлъыкIэ шъугу ишъуубыт;
— общественнэ Iофтхьабзэхэр зэрахьэхэзэ хьалэ-балыкъ горэ къызыхъурэм шъумыщт, рэ­хьатэу а чIыпIэр къэшъу­бгын.
Джарэущтэу шъузекIомэ шъуищыIэныгъэ къэ­жъугъэнэжьын зэрэшъу­лъэкIыщтыр зыщышъумыгъэгъупш!
ОшIэ-дэмышIэ тхьамыкIагъо къызыхъукIэ телефонхэу 101-мкIэ е 112-мкIэ шъутеу.