2023-рэ илъэсым мэкъуогъум и 1-м къыщегъэжьагъэу 2024-рэ илъэсым жъоныгъуакIэм и 31-м нэс Интернетым исайтхэм зи­тхыгъэ къизыгъэ­хьагъэхэр, къэбар жъугъэм иамалхэм къащыхаутыгъэхэр творческэ зэнэкъо­къоу «Щит и перо» зыфиIорэм хэлэ­жьэнхэу УФ-м хэ­гъэгу кIоцI IофхэмкIэ и Министерст­вэ закъыфегъазэ.

Зэнэкъокъум хэлэжьэнхэ алъэкIыщтых гупчэ, шъолъыр ыкIи ведомствэ къэбарлъыгъэIэс амалхэм яжурналистхэр, общест­веннэ объединениехэм, хэгъэгу кIоцI ыкIи хэбзэу­хъумэкIо къулыкъухэм яIофышIэхэр.
«Щит и перо» зыфиIорэ зэнэкъокъум хэлажьэ зышIоигъохэм ятхыгъэхэр мыщ фэдэ адресымкIэ агъэхьынхэ алъэкIыщт: Адыгэ Республикэр,
къ. Мыекъуапэ, урамэу Индустриальнэр 2А/1. IофшIагъэхэр 2024-рэ илъэ­сым жъоныгъуакIэм и 31-м нэс аIахыщтых.
Ахэр едзыгъо пчъагъэу зэтеутыгъэх: «ЦыхьэшIэгъу полициер», «Напэр. Пшъэ­дэкIыжьыр. ЛIыгъэр», «Гражданскэ позициер», «Тызэгъусэу зызэтэхъо­кIы», «Илъэсым и PR-проект», «Зэгъусэныгъ» («Содружество», «Полицием фэгъэхьыгъэ интернет-проект анахь дэгъур» «Лучший интернет-проект о полиции в Интернете»).
Зэнэкъокъум изэхэщэн епхыгъэ къэбар игъэкIотыгъэм Урысыем и МВД исайт шъущеплъын шъу­лъэкIыщт. Джащ фэдэу телефон номерхэу (8772) 59-63-18-мкIэ, 59-63-19-мкIэ къэбарым зыщы­жъугъэгъозэн шъулъэ­кIыщт.