Монополием пэшIуекIорэ Федеральнэ къулыкъум и ГъэIорышIапIэу Адыгэ Республи­кэм щыIэм ипащэу ХьапэкIэ Аслъан орденэу «Хэгъэгум ыпа­шъхьэ гъэхъагъэу щыри­Iэхэм апае» зыфиIорэм имедалэу а I-рэ шъуашэ зиIэр къы­фагъэшъошагъ.

Урысыем и Президентэу Владимир Путиныр ащ фэгъэхьыгъэ указым кIэтхэжьыгъ. Ащ къызэрэщиIорэмкIэ, «монополием пэшIуекIорэ хэбзэгъэуцугъэм игъэцэкIэн иуплъэкIункIэ гъэ­хъагъэу яIэхэм апае а тыныр афа­гъэшъуашэ».
Монополием пэшIуекIорэ Феде­ральнэ къулыкъум и ГъэIорышIапIэу Адыгэ Республикэм щыIэм ХьапэкIэ Аслъан 2019-рэ илъэсым жъоныгъуа­кIэм и 22-м пащэ фашIыгъ.
«Республикэ ведомствэу ащ пэщэныгъэ зыдызэрихьэрэр цIыфхэмрэ юридическэ лицэхэмрэ къагъэхьыгъэ тхылъ минрэ ныкъорэм ехъумэ ахэплъагъ. Монополием пэшIуекIорэ хэбзэгъэуцугъэр, зэзэгъыныгъэ сис­темэмрэ рекламэмрэ афэгъэхьыгъэ хэбзэгъэуцугъэр аукъуагъэхэу къы­зэ­рэхагъэщыгъэм пае сомэ миллион 80-м ехъу тазырэу атыралъхьагъ», — къытыгъ мы ГъэIорышIапIэм ипресс-къулыкъу.
ЫпэкIэ ХьапэкIэ Аслъан орденэу «Хэгъэгум ыпашъхьэ гъэхъагъэу щыриIэхэм апае» зыфиIорэм имедалэу я II-рэ шъуашэ зиIэр, медалэу «Адыге­им ищытхъузехь» зыфиIорэр ыкIи нэмыкI тынхэр къыфагъэшъошэгъагъэх.