Адыгэ къэралыгъо ­университетым физическэ культурэмкIэ ыкIи дзюдомкIэ и Институт истуденткэу Кристина Левичевам тхэквондомкIэ Урысыем и Кубок икъыдэхын фэгъэхьыгъэ зэнэкъо­къум ящэнэрэ чIыпIэр къыщыдихыгъ. Iофтхьабзэр Татарстан икъалэу Набережные Челны щы­кIуагъ.

Килограмм 67-рэ къэзыщэ­чыхэрэм якуп Адыгеим илIыкIо зыщиушэтыгъ, нэбгырэ 16 текIоныгъэм фэбэнагъ. Кристинэ зэIукIэгъуиплI иIэнэу щытыгъ, ау шъобж зэрэтещагъэм къы­хэкIэу аужырэр ыухын ылъэ­кIыгъэп. Ащ къыхэкIэу джэрз медаль къыхьыгъ.
Урысыем и Кубок икъыдэхын фэгъэхьыгъэ турнирыр «Зэ­къошныгъэм и Дунэе джэгунхэр» зыфиIорэм хэлэжьэщтхэр къызыщынэфэрэ едзыгъоу щыт. Ар Iоныгъо мазэм Москва ыкIи Екатеринбург ащыкIощт. Кристинэ дэгъоу зыкъызэригъэлъэ­гъуагъэм ишIуагъэкIэ ятIонэрэ уцугъоу къалэу Черкескэ щызэхащэщтым хэлэжьэн амал иIэ хъугъэ. Пшъашъэр зыгъасэрэр Василий Есиныр ары.
Кристина Левичевам ыкIи ащ итренер тафэгушIо, тапэкIи гъэхъэгъэшIухэр ашIынхэу афэтэIо.