ФутболымкIэ Урысыем изэнэ­къокъу иятIонэрэ лигэ щешIэрэ Мыекъопэ «Зэкъошныгъэм» Налщык щыриIэгъэ зичэзыу ешIэгъур шIуахьыгъ.

«Спартак-Налщык» — ­«Зэкъошныгъ» — 3:0 (0:0).
Зэкъошныгъэм щешIагъэх:
Т. Хачировыр, И. Оразаевыр,
М. Ягьяевыр, З. Коблыр, Ш. Гайдаровыр, У. Магомедбековыр, И. Камневыр (А. Хьасанэкъор), К. Юшко (К. Аухадеевыр), Н. Сергеевыр (С. Хубежевыр), М. Коломийцевыр, А. Делэкъор.
Мы ешIэгъум ыпэкIэ «Спартак» зы текIоныгъ ныIэп иIагъэр. Арышъ, бысымхэм очко пчъагъэу яIэм хагъэхъон гухэлъ яIагъ. «Зэкъошныгъэми» зэкIэлъыкIоу ящэнэрэ текIоныгъэр къыдихыным фэбэнагъ, ау къыдэхъугъэп. Налщык икомандэ гуетыныгъэ хэлъэу ешIагъ, 3:0-у зэIукIэгъур аухыгъ.
— Мыщ фэдэу къыттекIонхэр тиешIакIэкIэ къэдлэжьыгъэп. Къэлапчъэм Iэгуаор пчъагъэрэ дэтыдзэн тлъэкIы­щтыгъ, ау хэукъоныгъэу тшIыгъэхэм къа­хэкIэу зэIукIэгъум мыщ фэдэ зэ­фэхьысыжь фэхъугъ, — къыIуагъ «Зэ­къошныгъэм» итренер шъхьаIэу Бес­лан Аджинджал.
Турым
изэфэхьысыжьхэр:
«Динамо Ставрополь» — «Строитель» — 1:1, «Биолог-Новокубанск» — «Ангушт» — 1:1, «Спартак-Налщык» — «Зэкъошныгъ» — 3:0, «Кубань Холдинг» — «Форте» — 2:0, «Севастополь» — «Алания-2» — 4:0, «Легион» — «Нарт» — 1:1, «Астрахань» — «Динамо-2» — 3:0, «Победа» — «Рубин Ялта» — 0:0.
Командэхэр зыдэщыт
чIыпIэхэр ыкIи очко пчъагъэу рагъэкъугъэр:

1. «Астрахань» — 20.
2. «Рубин Ялта» — 16.
3. «Севастополь» — 15.
4. «Легион» — 14.
5. «Ростов-2» — 12.
6. «Форте» — 12.
7. «Кубань Холдинг» — 12.
8. «Зэкъошныгъ» — 10.
9. «Нарт» — 10.
10. «Спартак Налщык» — 9.
11. «Строитель» — 9.
12. «Биолог-Новокубанск» — 9.
13. «Динамо Ставрополь» — 9.
14. «Победа» — 9.
15. «Ангушт» — 8.
16. «Алания-2» — 7.
17. «Динамо-2» — 2.
    Я 10-рэ турым къыдыхэлъытэгъэ зэIукIэгъур «Зэкъошныгъэм» Мыекъуапэ щыриIэщт. ЖъоныгъуакIэм и 25-м тихьакIэщт Махачкала икомандэу «Легионыр».