Художественнэ гимнастикэмкIэ Урысые зэнэкъокъухэр къалэу Шъачэ щыкIуагъэх. Турнирым хэлэжьагъэх ыкIи гъэхъэгъэшIухэр ашIыгъэх Мыекъопэ спорт еджапIэу В.С. Максимовым ыцIэ зыхьырэм зыщызыгъасэхэрэм.

Мы зэнэкъокъухэр ябгъонэрэу зэхащэх. Мызэгъэгум къэралыгъом ишъолъыр 25-мэ къарыкIыгъэ спортсменкэ 1000 фэдизмэ заушэ­тыгъ.
Тренерэу Яна Цеханович ыгъэсэрэ пшъашъэхэм Адыгеир къагъэ­лъэгъуагъ. Спортым имастерхэм япрограммэ къыдыхэлъытэгъэ зэнэкъокъум къащыхэщыгъ республикэм икъэлэ шъхьаIэ щыпсэурэ Милена Капковар, ащ я 4-рэ чIыпIэр къыдихыгъ. Зыныбжь илъэс 14-м ехъугъэхэм якуп ар хэтыгъ. Джащ фэдэу Анастасия Ким Урысыем спортымкIэ имастер хъугъэ, Елизавета Годынюк спорт разряд къыфагъэшъошагъ.