ШахматхэмкIэ зэнэкъокъу гъэшIэгъонхэр Мыекъуапэ щыкIуагъэх. Республикэм икъэлэ шъхьаIэ дэт гурыт еджапIэхэм япэублэ классхэм арысхэм якомандэхэм заушэтыгъ.

Гъэсэныгъэм иорганизации 6-мэ ялIыкIохэр зэнэкъокъугъэх. Апэрэ такъикъхэм къащегъэжьагъэу пэрытныгъэр зыубытыгъэр гурыт еджа­пIэу N 17-р ары, ащ очко 17 ригъэкъугъ, текIоныгъэр къыди­хыгъ. Къэнэгъэ хагъэунэфыкIырэ чIыпIитIур къыдэзыхыщтхэр аужырэ турым къэнэфагъ. Мыекъопэ гимназиеу N 22-м икIэлэеджакIохэм ятIонэрэ чIыпIэр къафагъэшъошагъ, гъэсэныгъэм игупчэу N 18-р ящэнэрэ хъугъэ.
ХагъэунэфыкIырэ чIыпIэхэр къыдэзыхыгъэхэм зэкIэми щытхъу тхылъхэр ыкIи медальхэр афагъэшъошагъэх.