Top.Mail.Ru

Тфэгъогогъо дадзагъ

Image description

ФутболымкIэ Урысыем изэнэкъокъу иятIонэрэ лигэ щешIэрэ Мыекъопэ «Зэкъошныгъэм» Махачкала щыриIэгъэ зичэзыу ешIэгъум текIоныгъэр къыщыдихыгъ.

«Динамо-2» — «Зэкъошныгъ» — 2:3 (2:2).
Зэкъошныгъэм щешIа­гъэх:
Т. Хачировыр, М. Ягьяевыр, И. Оразаевыр, У. Ма­гомедбековыр, К. Юшко (А. Зезэрэхьэр), Н. Сергеевыр (И. Камневыр), Ш. Гайдаровыр, З. Коблыр, М. Коломийцевыр, С. Хубежевыр (К. Аухадеевыр), А. Делэкъор.
Командэхэм къэлапчъэм Iэгоуи 5 дадзэныр бэхэм ашIошъ хъугъэп. Ау футболистхэр зэралъэ­кIэу текIоныгъэм фэбэнагъэх, амалэу яIэр къагъэлъэгъуагъ. «Зэкъошныгъэм» я 8-рэ турым текIоныгъэ къызэрэщыдихыгъэм кIуачIэ къыритыгъ ыкIи я 12-рэ такъикъым пчъагъэр къызэIуи­хыгъ. ЯтIонэрэ ешIэгъу хъугъэу къэлапчъэм Iэгуаор дедзэ футболист ныбжьыкIэу Никита Сергеевым. Ау бысымхэр ащ къезэгъыгъэхэп, охътабэ темышIэу пчъагъэр зэфэдиз ашIыгъ, къэлапчъэм Iэгуаор дидзагъ Абакар Гаджиевым. Я 34-рэ такъикъым бысымхэр ыпэ ишъыгъэх, Шамиль Гаджиевым пчъагъэр 2:1 ышIыгъ. Ау я 2-рэ таймыр рамыгъажьэзэ хьакIэхэм пчъагъэр зэфэдиз ашIыгъ. ЕшIэгъур аухынкIэ тIэкIу къэнагъэу тикомандэ икапитанэу Делэкъо Аскэр къэлапчъэм Iэ­гуаор дидзагъ, «Зэкъошныгъэм» текIоныгъэр къыфихьыгъ.


Джырэ уахътэм Адыгеим икомандэ я 7-рэ чIыпIэр еубыты, ящэнэрэм щытым ыуж къызэринэрэр очкоуи 3 ныIэп.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

  1. «Астрахань» — 17.
  2. «Рубин Ялта» — 15.
  3. «Легион» — 13.
  4. «Ростов-2» — 12.
  5. «Форте» — 12.
  6. «Севастополь» — 12.
  7. «Зэкъошныгъ» — 10.
  8. «Нарт» — 9.
  9. «Кубань Холдинг» — 9.
  10. «Строитель» — 8.
  11. «Биолог-Новоку- банск» — 8.
  12. «Динамо Став- рополь» — 8.
  13. «Победа» — 8.
  14. «Алания-2» — 7.
  15. «Ангушт» — 7.
  16. «Спартак-Нал- щык» — 6.
  17. «Динамо-2» — 2.
    Я 9-рэ турым къыдыхэлъытэгъэ зэIукIэгъухэр командэхэм жъоныгъуакIэм и 18 – 19-м яIэщтых. «Зэкъошныгъэр» Налщык ще­шIэщт.
    Мы мафэхэм зэIукIэщтых: «Динамо Ставрополь» — «Строитель», «Биолог-Новокубанск» — «Ангушт», «Спартак-Налщык» — «Зэкъошныгъ», «Кубань Холдинг» — «Форте», «Севастополь» — «Алания-2», «Легион» — «Нарт», «Астрахань» — «Динамо-2», «Победа» — «Рубин Ялта».