Теннис цIыкIумкIэ зэнэкъокъоу «Шаг в будущее — СКФО» зыфиIорэм иапэрэ тур Адыгеим испортсмен ныбжьыкIэхэр хэлэжьагъэх. Къэбэр­тэе-Бэлъкъарым, Темыр Осетием, Дагъыстан ыкIи Ставрополь краим ялIыкIохэм заушэтыгъ.

ЯплIэнэрэу зэхащэрэ зэнэкъокъум Адыгеим икомандэ апэрэу хэлэжьагъ ыкIи ащ хэтыгъэхэр аныбжьыкIэ зэкIэми анахьыкIагъэх. Зэфэхьысыжьхэм къызэрагъэлъэгъуагъэмкIэ, Ставрополь краим итеннисистхэм текIоныгъэр къыдахыгъ, Адыгеир я 5-рэ хъугъэ.
Унэе зэнэкъокъухэм апэрэ чIыпIэр къащыдахыгъ Темыр Осетием щыщ Сослан Бацазо-
вым ыкIи Ставрополь краир къэзыгъэлъэгъогъэ Елизавета Мацепура. Адыгеим илIыкIоу Артем Вариводиным я 13-рэ чIыпIэр къыдихыгъ, Чэтэо Аринэ я 10-рэ хъугъэ.
Зэнэкъокъум иятIонэрэ тур Iоныгъом иублэгъум къалэу Ессентуки щыкIощт.