Адыгэ Республикэм щыпсэурэ цIыф куп гъэнэфагъэхэм зэтыгъо ахъщэ IэпыIэгъу 2024-рэ илъэсым зэраратыщтым ехьылIагъ

Федеральнэ законэу N 414-р зытетэу «Урысые Федерацием ишъолъырхэм хабзэр зэращызэхэщагъэм ылъапсэхэм яхьылIагъ» зыфиIоу 2021-рэ илъэсым тыгъэгъазэм и 21-м къыдэкIыгъэм диштэу ыкIи Адыгэ Республикэм ренэу е нахьыбэрэмкIэ щыпсэухэрэм ащыщхэм социальнэ IэпыIэгъу ятыгъэным пае Адыгэ Республикэм иминистрэхэм я Кабинет унашъо ешIы:

1. Адыгэ Республикэм ренэу е нахьыбэрэмкIэ щыпсэухэрэм ащыщхэм зэтыгъо ахъщэ IэпыIэгъоу 2024-рэ илъэсым аратыщтыр мыщ къыкIэлъыкIоу гъэнэфэгъэнэу:
   1) сомэ 50000 ятыгъэнэу:
   а) Хэгъэгу зэошхом иветеранхэу Федеральнэ законэу N 5-р зытетэу «Ветеранхэм яхьылIагъ» зыфиIоу 1995-рэ илъэсым щылэ мазэм и 12-м къыдэкIыгъэм ия 2-рэ статья иа 1-рэ Iахь ия 1 – 3-рэ пунктхэм зигугъу къашIыхэрэм;
   б) Федеральнэ законым ия 4-рэ статья ия 1 – 2-рэ, ия 4 – 5-рэ статьяхэм зигугъу къашIырэ цIыф купхэу Хэгъэгу зэошхом сэкъат хэхъухьагъэхэм;
   в) ЯтIонэрэ дунэе заом илъэхъан фашистхэмрэ ахэм ягъусэгъухэмрэ зэхащэгъэгъэ концлагерьхэм, геттохэм ыкIи зыныбжь имыкъугъэ кIэлэцIыкIухэр егъэзыгъэ IофкIэ зыщаIыгъыщтыгъэхэм ачIэсыгъэхэм;
   2) сомэ 5000 ятыгъэнэу:
   а) Федеральнэ законым ия 2-рэ статья иа 1-рэ Iахь ия 4-рэ пункт зигугъу къышIырэ цIыф купхэу Хэгъэгу зэошхом иветеранкIэ алъытэхэрэм;
   б) Хэгъэгу зэошхом сэкъатныгъэ хэзыхыгъэхэу ыкIи хэлэжьагъэхэу дунаим ехыжьыгъэхэм яшъхьэгъусэхэм.
2. Мыхэр къыдэлъытэгъэнхэу:
   1) ахъщэр зыгъэнафэрэр ыкIи язытырэр Адыгэ Республикэм икъэралыгъо учреждениеу «IофшIэнымкIэ ыкIи цIыфхэр социальнэу ухъумэгъэнхэмкIэ Гупчэр» зыфиIорэр е ащ икъутам ары. ЦIыфхэу ахъщэр зэратыщтхэр зыщыпсэухэрэ чIыпIэм елъытыгъэу къырахьылIэрэ тхылъхэм атегъэпсыхьагъэу е автоматизированнэ системэу «Социальнэ IэпыIэгъур зэратыщтхэр» зыфиIорэм къыпкъырыкIыхэзэ ахъщэр зэратын фаеу агъэнэфагъэхэм япхыгъэ тхылъхэр къырамыхьылIэхэу аIэкIагъэхьащт;
   2) 1941 – 1945-рэ илъэсхэм щыIэгъэ Хэгъэгу зэошхом текIоныгъэр къызыщыдахыгъэм и Мафэ ехъулIэу ахъщэр зыфатIупщыщтхэм ялицевой счет къафырагъэ­хьащт е федеральнэ почтэ зэпхыныгъэм иорганизациехэм ар аIэкIагъэхьащт.
3. Адыгэ Республикэм финансхэмкIэ и Министерствэ Адыгэ Республикэм иреспубликэ бюджет икъэкIуапIэхэм къахигъэкIызэ ахъщэр зыIэкIагъэхьан фаехэм алъагъэIэсыщт.
4. Заштэрэ мафэм щыублагъэу мы унашъом кIуачIэ иIэ мэхъу.
   Адыгэ Республикэм иминистрэхэм я Кабинет и Тхьаматэу КIэрэщэ Анзаур
   къ. Мыекъуапэ,
   жъоныгъуакIэм и 2, 2024-рэ илъэс
   N 59