ЖъоныгъуакIэм и 5-р — Христос къызыхъугъэ маф
Лъытэныгъэ зыфэтшIырэ чыристанхэу Адыгэ Республикэм щыпсэухэрэр!
Христос къызыхъугъэ Мэфэ Нэфым фэшI тышъуфэгушIо!
Чыристан диныр зылэжьыхэрэм анахь агъэлъэпIэрэ мэфэкIхэм зыкIэ ащыщ Пасхэр. Ар зэфагъэм, гугъапIэм, шIулъэгъум ыкIи гукIэгъум ятамыгъэу щыт.
Мы гъэтхэ мэфэкIым цIыфхэм агухэр нахь зэфихыгъэх, шIушIэным, фэныкъохэм IэпыIэгъу ятыгъэным, зэгурыIоныгъэ азыфагу илъэу мамырэу зэдэпсэунхэм нахь афэблэх. Пасхэм ишIуагъэ къэкIо гушъхьэлэжь баиныгъэхэр, культурнэ шIуагъэхэр нахь пытэнхэмкIэ, лIэшIэгъубэ къызэпызычыгъэ шэн-хабзэхэр къэухъумэгъэнхэмкIэ.
Христос къызыхъугъэ Мэфэ Нэфым православнэ чыристан пстэуми тафэлъаIо псауныгъэ пытэ, щыIэкIэшIу яIэнэу, ублэпIэшIу пстэуми гъэхъагъэхэр ащашIынхэу! Унагъо пэпчъ Пасхэм насып къыфихьынэу, щыIэкIэшIу къыритынэу, игухэлъ дахэхэр къыдигъэхъунхэу, игупсэхэмрэ къыпэблагъэхэмрэ адигъэтхъэнэу фэтэIо!
Адыгэ Республикэм
и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ
и Секретарэу
КъумпIыл Мурат
Адыгэ Республикэм и Къэралыгъо Совет — Хасэм
и Тхьаматэу
Владимир Нарожнэр