Мыекъуапэ волейболымкIэ изэIухыгъэ чемпионат хъулъфыгъэ ыкIи бзылъфыгъэ командэхэр хэлэ­жьагъэх.

Бзылъфыгъэхэр зыщызэнэ­къо­къугъэхэ а 1-рэ лигэм хагъэунэфыкIырэ чIыпIэхэр къыщыдэзы­хыгъэхэр къэнэфагъэх. Зэфэхьысыжьхэм къызэрагъэлъэгъуа-
­гъэм­кIэ, Кощхьэблэ районымкIэ къуа­джэу Еджэркъуае икомандэхэм апэрэ чIыпIитIур ахьыгъ. Мыекъопэ спорт еджапIэу
С. Джэнчатэм ыцIэ зыхьырэм ипшъашъэхэр ящэнэрэ хъугъэх.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Еджэркъуай-1» — 12.
2. «Еджэркъуай-2» — 9.
3. «СШ N 1 (2010)» — 6.
4. «СШ N 1-Стрела» — 3.
5. «Тульскэр-2» — 0.
   Я 2-рэ лигэм команди 6 хэтыгъ, хагъэунэфыкIырэ чIыпIэхэм афэбэнагъэр 4. Ящэнэрэ хъугъэ «Виктория-АГУ» зыфи­Iорэр. Аужырэ зэIукIэгъоу щыIагъэм «Адыгеир» «СШ N 1-м» текIуагъ ыкIи чемпион хъугъэ.
   Командэхэр зыдэщыт чIыпIэхэр ыкIи очко пчъагъэу рагъэкъугъэр:
6. «Адыгеир» — 15.
7. «СШ N 1» — 11.
8. «Виктория-АГУ» — 9.
9. «АГУ» — 7.
10. «МГТУ» — 2.
11. «Тульскэр-1» — 1.
    Хъулъфыгъэ командэхэр купи­тIоу гощыгъагъэх, очко пчъагъэу рагъэкъугъэм елъытыгъэу анахь дэгъухэр финалныкъом щызэIукIагъэх. «Нартыр» командэу «Ветеранхэр» зыфиIорэм зыIокIэм, пчъагъэр 3:1-у къышIуихьыгъ ыкIи ящэнэрэ чIыпIэр къыфагъэшъошагъ. Финалым Мыекъопэ «Авангардым» «Лабинскэм» къышIуи­хьыгъ ыкIи зэнэкъокъум текIоныгъэр къыщыдихыгъ.
    ХагъэунэфыкIырэ чIыпIэхэр къыдэзыхыгъэхэм Мыекъуапэ физическэ культурэмкIэ ыкIи спортымкIэ и Комитет къыгъэ­хьазырыгъэ кубокхэр, медальхэр ыкIи дипломхэр, ешIэкIо анахь дэгъухэм шIухьафтынхэр афа­гъэшъошагъэх.