Урысыем ыкIи Адыгеим язаслуженнэ тренерэу Джэнчэтэ СултIан ишIэжь фэгъэхьыгъэ зэнэкъокъоу зэхащагъэм текIоныгъэр къыщыдахыгъ Мыекъуапэ игандболисткэ ныбжьыкIэхэм.
СултIан Мосэ ыкъом 2003-рэ илъэсым идунай ыхъо­жьыгъ. Псаоу къытхэтыгъэмэ, жъоныгъуакIэм и 9-м ыныбжь илъэс 75-рэ хъущтыгъ.
2014-рэ илъэсым къэхъугъэ пшъашъэхэр зыхэт команди 8 текIоныгъэм ыкIи хагъэунэфыкIырэ чIыпIэхэм афэбэнагъэх. Ахэр Мыекъуапэ, Волгоград, Ростов-на-Дону, Новочеркасскэ, Краснодар, Шытхьалэ ыкIи станицэу Воронежскаям къарыкIыгъэх.
Мэфищрэ кIогъэ турнирым текIоныгъэр къыщыдихыгъ Мыекъупэ испорт еджапIэу С. Джэнчатэм ыцIэ зыхьырэм. ЯтIонэрэ чIыпIэр къыфагъэшъошагъ станицэу Воронежскаям икомандэ. Ростов-на-Дону ипшъашъэхэр ящэнэрэх. Джащ фэдэу зэхэщакIохэм мы командищмэ яешIэкIо анахь дэгъухэр къыхагъэщыгъэх.