ТхьамэфитIурэ кIогъэ лъэс зекIонымкIэ команднэ зэнэкъокъухэр ыкIэм фэкIуагъэх. Ар дунэе Iофтхьабзэу «ЩыIэныгъэм екIурэ лъэбэкъу мини 10» зыфиIорэмкIэ рагъэжьагъ. Къэралыгъом ишъолъыр зэфэшъхьафхэм якомандэ 880-рэ ащ хэлэжьагъэх.

Адыгеир къэзыгъэлъэгъуагъэр «Мыекъуапэ 01» зыфиIорэр ары. Ар 2022-рэ илъэсым зэхащагъ, мыщ фэдэ зэнэкъокъухэм тIогъогогъо ячемпион, 2023-рэ илъэсым лъэс зекIонымкIэ Урысыем ичемпионат ящэнэрэ чIыпIэр къыщыди­хыгъ.
Мызэгъэгум зэнэкъокъум командэ 23-рэ хэлэжьагъ. Нэбгырэ пэпчъ пшъэрылъ шъхьаIэу иIагъэр мафэ къэс лъэбэкъу мин 25-рэ е километрэ 18 къыкIуныр ары. Зэфэхьысыжьхэм къызэрагъэлъэгъуагъэмкIэ, Адыгеим икомандэ я 4-рэ чIыпIэр къыдихыгъ. ТекIоныгъэр ыкIи хагъэунэфыкIырэ чIыпIэхэр къафагъэшъо­шагъэх Подольскэ, Тамбов ыкIи Каменск-Уральскэ ялIыкIохэм.