Белгород хэкум къикIыгъэ спортсменхэр — илъэс 13 — 16 зыныбжь кIэлэцIыкIу 86-рэ ахэр зыгъэсэрэ тренери 8-рэ — тыгъуасэ Адыгеим къэкIуагъэх.

Мазэрэ ахэм боксымкIэ, ат­летикэ псынкIэмкIэ республикэ стадионым, нэмыкI спорт чIыпIэхэм защагъэсэщт.
Тиспортсменхэм ямызакъоу, нэмыкI шъолъырхэм къарыкIы­хэрэми Адыгеим испорт ихэ­хъоныгъэхэр зэрашIогъэшIэ­гъонхэр, ахэр зэрагъэфедэхэрэр ЛIышъхьэм исоциальнэ нэкIубгъохэм къащыхигъэщыгъ. Илъэс къэс республикэм спорт угъоинхэм къахиубытэу шъолъыр 30 фэдизмэ къарыкIыхэрэ командэ пшIы пчъагъэхэр къэкIох, зызэ­рагъэсэщт пстэури ахэм арагъэ­гъоты.
«Угъоинхэр шIуагъэ къытэу рекIокIынхэм пае ищыкIэгъэ пстэури ядгъэгъотыщт. Джащ фэдэу охътэ лыеу яIэри гъэшIэгъонэу агъэкIоным тыпылъыщт, Адыгеим итарихъ ыкIи ичIыопс чIыпIэ хьалэмэтхэр ядгъэлъэ­гъущтых. ТихьакIэхэм шIуагъэ къэзытыщт зыгъэсэн Iофтхьабзэхэр зэшIуахынхэу ыкIи ашIогъэшIэгъонэу яуахътэ агъэкIонэу сафэлъаIо!» — къащитхыгъ КъумпIыл Мурат исоциальнэ нэкIубгъохэм.