Медицинэ IэпыIэгъу псынкIэ языгъэгъотырэ IофышIэхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIымкIэ тышъуфэгушIо!
IэпыIэгъу псынкIэ языгъэгъотырэ къулыкъур псау­ныгъэм икъэухъумэн фэгъэзэгъэ лъэныкъо анахь къинхэм, пшъэдэкIыжьышхо зыпылъхэм ащыщ.
Медицинэ IэпыIэгъур игъом зэрафагъэцакIэрэм, Iэ­пыIэгъу псынкIэ языгъэгъотырэ специалистхэм сымаджэхэм яуз тэрэзэу зэрагъэунэфырэм, зэряIа­зэхэрэм бэкIэ ялъытыгъэщт сымаджэхэм ящыIэ-
ныгъэ къырыкIощтыр, япсауныгъэ зэрэзэтеуцожьыщтыр.
Обществэм шъуисэнэхьат осэшхо къыфешIы. Чэщи мафи шъуимыIэу чIыпIэ зэжъу ифагъэхэм IэпыIэгъу шъуафэхъуным, цIыфым ищыIэныгъэ къэжъугъэнэжьыным сыдигъуи шъуфэхьазыр.
IэпыIэгъу псынкIэ языгъэгъотыхэрэм IэпэIэсэны­гъэу, цIыфыгъэу ахэлъыр анахьэу къызылъэгъуагъэр пандемием илъэхъан ары. Iофышхо зыплIэIу къыдэфа­гъэхэм зэпахырэ узыр къызэтыраIэжэн алъэкIыгъ.
IэпэIэсэныгъэшхо, гукIэгъу зэрэшъухэлъым, сымаджэхэм шъузэрафэгумэкIырэм, пшъэдэкIыжьышхо зэрэшъухьырэр икъоу къызэрэжъугурыIорэм афэшI лъэшэу тызэрэшъуфэразэр къэтэIо.
Ныбджэгъу лъапIэхэр, псауныгъэ пытэ, щыIэкIэшIу шъуиIэнэу, шъуиIофшIэн гъэхъэгъакIэхэр щы­шъушIынэу, шIоу щыIэр зэкIэ къыжъудэхъунэу ты­шъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъо­лъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр