Адыгэ Республикэм и Къэралыгъо Совет – Хасэм, Адыгэ Республикэм имуниципальнэ образованиехэм ялIыкIо къулыкъухэм ядепутатхэу лъытэныгъэ зыфэтшIыхэрэр!

Урысые парламентаризмэм и МафэкIэ тышъуфэгушIо!
Апэрэ Къэралыгъо Думэу парламентаризмэмкIэ шапхъэхэр Урысыем щызыгъэуцугъэм Iоф ышIэу зиублэгъагъэм тефэу мы мэфэкIыр хагъэунэфыкIы. Ар зыфытегъэпсыхьагъэр шэпхъэ-правовой актхэмрэ законхэмрэ якъыхэхынкIэ ыкIи яштэнкIэ IэпыIэгъу ятыгъэныр, Урысые Федерацием и Федеральнэ ЗэIукIэ, Урысые Федерацием ишъолъырхэм якъэралыгъо хабзэ изаконодательнэ къулыкъухэм Iоф зэрашIэрэм цIыф жъугъэхэм анаIэ нахь къытырадзэныр, хэгъэгум иобщественнэ-политическэ щыIэныгъи, къэралыгъо лъапсэхэм ягъэпытэни цIыфхэр нахь чанэу къыхагъэлэжьэнхэр ары.
Парламентариехэм непэ законэу аштэхэрэм бэкIэ ялъытыгъэщт социальнэ— экономикэ, общественнэ-политическэ Iофхэм язытетыщтыр, цIыфхэм щыIэкIэ-псэукIэу яIэщтыр. Парламентхэм пшъэдэкIыжь ахьы щыIэныгъэм илъэныкъо пстэуми хэхъоныгъэ ашIыным пае зэхъокIыныгъэхэр пхырыщыгъэнхэмкIэ, хабзэмрэ обществэмрэ зэгурыIонхэмкIэ.
Адыгеим идепутатхэу Урысые Федерацием и Федеральнэ ЗэIукIэ, Адыгэ Республикэм и Къэралыгъо Совет — Хасэм, муниципальнэ образованиехэм янароднэ депутатхэм ясоветхэм республикэм исхэм яфедэхэр къащызыгъэгъу­нэхэрэм гуетыныгъэ фыряIэу Iоф зэрашIэрэм, щыIэныгъэм чанэу зэрэхэлажьэхэрэм, тиреспубликэ ихэхъоныгъэ яIахьышхо зэрэхашIыхьэрэм афэшI тызэрафэразэр къэтэIо.
Ныбджэгъу лъапIэхэр, псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэхэр къэжъугъэгъунэхэзэ хэбзэихъухьанымкIэ тапэкIи гъэхъагъэхэр шъушIынэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр