Хабзэ зэрэхъугъэу, илъэс къэс мэлылъфэгъум и 30-м мэшIогъэкIосэ къулыкъум иIофышIэ и Мафэ хагъэунэфыкIы.
Мы сэнэхьатыр къыхэзыхыгъэхэм, апсэ емыблэжьхэу цIыфхэм ящыIэныгъэ къэзыгъэнэжьыхэрэм, анахьэу машIом къыхэзыхыжьыхэрэм, ящытхъу пIоныр атефэ.
Урысые Федерацием икъулыкъухэу цIыфхэм якъэгъэнэжьын фэгъэзагъэхэм IофшIэн къинэу, щынагъоу зыфэгъэзагъэхэр зэрагъэцакIэрэм бэкIэ елъытыгъ цIыфхэм ящыIакIэ зыфэдэщтыр, республикэм ипредприятиехэм Iоф зэрашIэщтыр, социальнэ лъэныкъом Iофхэр зэрэщызэпыфэщтхэр.
Адыгеим икъулыкъухэу цIыфхэм якъэгъэнэжьын фэгъэзагъэхэм ахэтхэм яIоф хэшIыкIышхо зэрэфыряIэм, теубытэгъэ инрэ лIыгъэрэ зэрахэлъым яшIуагъэкIэ тиреспубликэ щыпсэухэрэм ящыIакIэ тапэкIи щынэгъончъэу зэрэщытыщтым уицыхьэ тебгъэлъы хъущт.