Краснодар краим ипсэупIэу Раевскаям урым-рим бэнэнымкIэ щыкIогъэ зэнэкъокъухэм Тэхъутэмыкъое районым испортсменхэр ахэлэжьагъэх ыкIи хагъэунэфыкIырэ чIыпIи 6 къыдахыгъ.

Тренерхэу Зэрамыку Руслъанрэ ЛъэпцIэрышэхэу Чэсэбыйрэ Арамбыйрэ агъэсэхэрэ кIэлэцIыкIухэм техникэ дахэ къагъэлъэ­гъуагъ, физическэ ухьазырыныгъэ дэгъу зэряIэр къагъэшъыпкъэжьыгъ.
Тыжьын медаль къыфагъэшъошагъ ЛIыIужъу Азбек. Ящэнэрэ чIыпIэхэр къыдахыгъэх Шэуджэн Тамерлан, ЛъэпцIэрышэ СултIан, Цуекъо Алим, Наш Арамбый ыкIи Бэслъэнэй Амир. Тиспортсменхэм ыкIи ахэм ятренерхэм тафэгушIо, тапэкIи гъэхъэгъэшIухэр ашIынхэу, лъэгэпIэ инхэм анэсынхэу афэтэIо.