Ныдэлъфыбзэр анахь дэгъоу языгъашIэхэрэр
НыдэлъфыбзэмкIэ кIэлэегъэджэ ыкIи кIэлэпIу анахь дэгъухэр къэнэфагъэх.
Муниципальнэ уцугъом текIоныгъэ къыщыдэзыхыгъэ кIэлэегъэджи 7-рэ кIэлэпIуи 6-рэ мы мафэхэм зэнэкъокъугъэх. Адыгэкъалэ дэт гурыт еджапIэу N 3-м пэублэ классхэмкIэ икIэлэегъаджэу ХъокIо Муслъимэтрэ мы псэупIэ дэдэм икIэлэцIыкIу IыгъыпIэу N 1-м икIэлэпIоу Хьакъуй Фатимэрэ текIоныгъэ къыдахыгъ.
Мыекъопэ районым ит гъэсэныгъэ гупчэу N 10-м урысыбзэмкIэ икIэлэегъаджэу Наталья Митинам, Кощхьэблэ районымкIэ кIэлэцIыкIу IыгъыпIэу N 8-м икIэлэпIоу Айтэчыкъо Заремэ, Кощхьэблэ районымкIэ гурыт еджапIэу N 5-м адыгабзэмрэ адыгэ литературэмрэ языгъэхьырэ Къэщый Жаннэ, Мыекъуапэ дэт кIэлэцIыкIу IыгъыпIэу N 33-м икIэлэпIоу ЛъэпцIэрыкъо Заирэ хагъэунэфыкIырэ чIыпIэхэр афагъэшъошагъэх.
Анахь дэгъоу зыкъэзыгъэлъэгъуагъэхэм ахъщэ шIухьафтынэу сомэ мин 50, 30 ыкIи 20 зырыз афагъэшъошэщт. Ащ нэмыкIэу апэрэ чIыпIэр къэзыхьыгъэ кIэлэегъаджэмрэ кIэлэпIумрэ Урысые уцугъоу Iоныгъо мазэм Казань щыкIощтым хэлэжьэщтых.
Сэнэхьат IэпэIэсэныгъэм хэгъэхъогъэнымкIэ Адыгэ республикэ
институтыр