Мэлылъфэгъуми 26-р — радиацием къыздихьыгъэ тхьамыкIагъом икIэуххэм ядэгъэзыжьын хэлажьэхэзэ фэхыгъэхэр агу къызщагъэкIыжьырэ Маф
Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!
Чернобыль атомнэ электростанцием къыщыхъугъэ тхьамыкIагъом — тарихъым анахь техногеннэ тхьамыкIэгъошхоу къыхэхъухьагъэм — ыуж илъэс 38-рэ тешIэжьыгъ.
Радиацием нэбгырэ миллион пчъагъэ щызыухъумэзэ хэкIодагъэхэм япхыгъэ шъыгъо-шIэжь мафэм джыри зэ цIыфхэм агу къегъэкIыжьы пшъэдэкIыжь инрэ сакъыныгъэрэ ахэлъын зэрэфаер, мамыр атомыми цIыфлъэпкъым тхьамыкIэгъошхо къыфихьын ылъэкIыщт.
ТичIыпIэгъу ыкIи тихэгъэгогъу мин пчъагъэмэ лIыхъужъныгъэу зэрахьагъэр егъашIэми тщыгъупшэщтэп, якъулыкъу пшъэрылъхэм ахэр афэшъыпкъагъэх ыкIи егъэшIэрэу тихэгъэгу итарихъ ахэм ацIэхэр хэхьагъэх.
Адыгеим щыщхэу а тхьамыкIагъом зимыушъомбгъуным зиIахь хэзышIыхьагъэхэм инэу тафэраз, зигъонэмыс хъугъэхэр тишIэжь хэлъыщтых.
Лъытэныгъэ зыфэтшIыхэу а чIыпIэ зэжъум блэнагъэ къызхэфагъэхэр! Уи Хэгъэгу уфэшъыпкъэн зэрэфаемкIэ щысэтехыпIэу ренэу шъущытыщт. Псауныгъэ пытэ, щыIэкIэшIу шъуиIэнэу, бэгъашIэ шъухъунэу тышъуфэлъаIо!
Чернобыль къыщыхъугъэ тхьамыкIагъом фэдэ егъашIэми къэрэмыхъужь!
Адыгэ Республикэм
и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр