Художественнэ гим­настикэмкIэ зэнэ­къокъоу «Морской бриз» зыфиIорэр къалэу Анапэ щыкIуагъ.

Мыекъуапэ испортсменкэхэм гъэхъэгъэшIухэр ашIыгъэх, хагъэу­нэфыкIырэ чIыпIэ 14 къыдахыгъ.
Спорт еджапIэу В. С. Максимовым ыцIэ зыхьырэм итренер-­кIэлэегъаджэу Виктория Марарь ыгъэсэрэ пшъашъэхэр ары турнирым хэлэжьагъэхэр. Мыекъуа­пэ илIыкIохэу 2015 — 2018-рэ илъэсхэм къэхъугъэхэм хагъэунэфыкIырэ чIыпIэ 13 къафагъэ­шъошагъ. Тыжьын медальхэр къахьыгъэх Виктория Самохинам, Сэкъурэ Ясминэ, Эли Бубелец, Ульяна Лысенкэм, Алиса Пет­ренкэм ыкIи Дарина Евсеевам. Ящэнэрэ чIыпIэр къафагъэшъошагъ Аделина Абиевам, Алина Подопригора, Ева Варданян, Дарья Сафоновам, Шъхьэлэхъо Динарэ, Юлия Королевам ыкIи Анастасия Мушатенкэм.
Купхэм язэнэкъокъу хэлэжьэгъэ тикомандэу «Апельсинки» зыфиIорэм дышъэ медаль къы­хьыгъ. ТекIоныгъэр къыдахыгъ Ева Варданян, Ульяна Лысенкэм, Сэкъурэ Ясминэ, Алина По­допригора ыкIи Эли Бубелец.