ФутболымкIэ Урысыем изэнэкъокъу иятIонэрэ лигэ щешIэрэ Мыекъопэ «Зэкъошныгъэм» Ставрополь щыриIэгъэ зичэзыу ешIэгъур шIуа­хьыгъ, зэIукIэгъуищ хъугъэу тикомандэ очко къыхьырэп.

«Динамо Ставрополь» — «Зэ­къошныгъ» — 1:0 (0:0).
Зэкъошныгъэм щешIагъэх:
Т. Хачировыр, М. Ягьяевыр, И. Оразаевыр, У. Магомедбековыр, И. Камневыр (А. Зезэра­хьэр), И. Абдуллаевыр, Ш. Гайдаровыр, З. Коблыр (Д. Антоненкэр), Н. Сергеевыр, М. Ко­ломийцевыр, А. Делэкъор.
Ставрополь икомандэ джырэ уахътэм зыгъасэрэр ыпэкIэ «Зэ­къошныгъэм» итренерыщтыгъэ ШакIо Iэщэмэз. Апэрэ таймым зыми Iэгуаор къэлапчъэм дидзагъэп. Ау ятIонэрэ таймым ия 53-рэ такъикъ бысымхэм пчъагъэр къызэIуахыгъ, 1:0-у ахэм текIоныгъэр къыдахыгъ.
— АмалышIухэр тиIагъэх нахь мышIэми, Iэгуаор къэлапчъэм дэтыдзэн тлъэкIыгъэп. Командэхэм зэфэдэ ешIакIэ къагъэ­лъэгъуагъ, ау бысымхэм якъэлэпчъэIут ишIуагъэкIэ ахэм те­кIоныгъэр къыдахыгъ, — къыIуагъ зэфэхьысыжьхэр къышIызэ «Зэкъошныгъэм» итренер шъхьаIэу Беслан Аджинджал.

Я 5-рэ турым изэфэхьысыжьхэр:
«Астрахань» — «Алания-2» — 2:1, «Динамо-2» — «Строитель» — 1:3, «Динамо Ставрополь» — «Зэкъошныгъ» — 1:0, «Победа» — «Нарт» — 1:1, «Кубань Холдинг» — «Ангушт» — 1:1, «Севастополь» — «Легион» — 1:0, «Биолог-Новокубанск» — «Спартак-Налщык» — 3:2, «Ростов-2» — «Рубин Ялта» — 1:2.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Рубин Ялта» — 12.
2. «Астрахань» — 10.
3. «Легион» — 9.
4. «Биолог-Новокубанск» — 7.
5. «Ростов-2» — 6
6. «Строитель» — 6.
7. «Спартак-Налщык» — 6.
8. «Севастополь» — 5.
9. «Кубань Холдинг» — 5.
10. «Динамо Ставрополь» — 5.
11. «Победа» — 4.
12. «Форте» — 3.
13. «Зэкъошныгъ» — 3.
14. «Нарт» — 3.
15. «Ангушт» — 2.
16. «Динамо-2» — 1.
17. «Алания-2» — 1.
    Зичэзыу ешIэгъур «Зэкъошныгъэм» Мыекъуапэ щыриIэщт. Республикэм икъэлэ шъхьаIэ къеблэгъэщт Хасавюрт икомандэу «Победэр». ЗэIукIэгъур мы шэмбэтым сыхьатыр 4-м рагъэжьэщт.