Адыгэ быракъыр тиреспубликэ икъэралыгъо тамыгъэ шъхьа­Iэхэм зэращыщым имызакъоу, адыгэ лъэп­къым инэбгырэ пэпчъ егъэлъапIэ, ти­мэфэкIхэм къахэлыдыкIы, тиныбжьыкIэхэм аIыгъыныр, ­нэмыкI шъолъыр кIо­хэмэ нэпэеплъэу зыда­штэныр якIас.

Ар къыдэтлъытэзэ, быра­къым и Мафэ ипэгъокIэу «Адыгэ макъэм» ителеграм-­канал зэнэкъокъу щызэхэт­щагъ адыгэ быракъыр хэтэу анахь сурэт дахэ къэзыгъэ­хьыщтым икъыхэхынкIэ. МэфитIу мэкъэтыным къызэригъэлъэгъуагъэмкIэ, къуаджэу Кощхьаблэ икIэлэцIыкIу IыгъыпIэу «Насыпым» исурэт техыгъэ нахьыбэмэ къыха­хыгъ. КIэлэпIухэу Къунэ Свет­ланэрэ Сэкъурэ Мариет­рэ адыгэ быракъым и Мафэ ехъулIэу кIэлэцIыкIу IыгъыпIэм щызэхащэгъэгъэ Iоф­тхьабзэм ыуж мы сурэтыр зытырарагъэхыгъагъ. Ар агу рихьэу нахьыбэмэ амакъэхэр фатыгъэх. ТекIоныгъэр къыдэзыхыгъэхэм тафэгушIо, «Адыгэ макъэм» ишIухьафтын хэушъхьафыкIыгъэ непэ ахэм аIукIэщт.