Адыгэ Республикэм и Къэ­ралыгъо быракъ и Мафэ фэшI тышъуфэгушIо!

Адыгеим ибыракъ респуб­ликэм икъэралыгъо тамыгъэ­хэм зыкIэ ащыщ, ащ тичIыгу гупсэ иблэкIыгъи, инепи, икъэ­кIощти зэрепхых. Тирес­публикэ нэмыкIхэм къахэзыгъэщырэ лъэныкъохэм ар яшыхьат, лIэужхэр зэрепхых, лъэпкъ зэфэшъхьафхэм къа­хэкIыгъэхэм ыкIи дин зэмы­лIэужыгъохэр зылэжьыхэрэм ижъыкIэ къыщегъэжьагъэу азыфагу илъ хъугъэ зэгуры­Iоныгъэмрэ лъытэныгъэмрэ яшIуагъэкIэ республикэм хэ­хъоныгъэ ешIы, ти Хэгъэгу­шхоу Урысые Федерацием ыкIуачIэ нахь мэпытэ, нахь зэтегъэпсыхьагъэ мэхъу.
Урысыемрэ Адыгеимрэ ябыракъхэр тарыгушхоу тэгъа­Iэх, ахэр уи Хэгъэгу шIу плъэ­гъун зэрэфаем ишыхьатых. Ти Хэгъэгушхоу Урысыемрэ Адыгеимрэ къарыкIощтымкIэ, къыткIэхъухьэхэрэм янеущырэ мафэ зыфэдэщтымкIэ пшъэ­дэкIыжь зэрэтхьырэр джыри зэ ахэм тыгу къагъэкIыжьы.
Адыгеим щыпсэухэрэм ягъэ­хъагъэхэмкIэ тапэкIи Къэ­ралыгъо быракъым ищытхъу зэрэхагъэхъощтым, якIалэ­хэм­рэ япхъорэлъфхэмрэ щысэ афэхъухэзэ тиреспублики, ти­хэгъэгуи нахь хэхъоныгъэшхо ашIыным агукIэ нахь зэ­рэфэблэщтхэм тицыхьэ телъ.
ТичIыпIэгъу лъапIэхэр, псау­ныгъэ пытэ, щыIэкIэшIу шъуиIэнэу, IофшIэнымкIэ гъэ­хъагъэхэр шъушIынхэу, шъунасыпышIонэу шъуфэтэIо!
Адыгэ Республикэм и ЛIышъхьэу, Урысые поли­тическэ партиеу «Единэ Россием» и
Адыгэ шъо­лъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр