Урысые Iофтхьабзэу «Хьа­дэгъур зыщащэрэр ошIэмэ, макъэ къэгъэIу!» зыфиIорэм иапэрэ уцугъо икIэуххэр АР-м хэгъэгу кIоцI IофхэмкIэ и Министерствэ зэфихьысы­жьыгъ.

Iофтхьабзэм пшъэрылъэу иIагъэр наркотикхэр хэбзэнчъэу къызэрэрагъэкIокIыхэрэм пэуцужьыгъэным общественностыр къыхэгъэлэжьэгъэныр, наркотикхэм апыщэгъэ цIыфхэм ягъэхъужьынкIэ IэпыIэгъу афэ­хъугъэныр, ахэр щыIэныгъэм хэгъэгъозэжьыгъэнхэр ары.
Iофтхьабзэр окIофэ Адыгеим иполицие икъулыкъушIэхэм цIыфхэм зафагъэзагъ наркотикхэр хэбзэнчъэу къызэрэрагъэкIокIыхэрэм, зэрагъэфе­дэхэрэм ыкIи ар зыхэлъ пкъыгъохэр зэрэIуагъэкIыхэрэм афэ­гъэхьыгъэ къэбархэм ащыгъуазэхэмэ, хэгъэгу кIоцI къулыкъухэм макъэ арагъэIунэу.
Мыщ фэгъэзэгъэ къулыкъоу АР-м щыIэм Iофтхьабзэр зыщыкIогъэ уахътэм къыкIоцI рес­публикэм щыпсэухэрэм ядэо 73-рэ къыIукIагъ. Наркотикхэр хэбзэнчъэу агъэзекIуагъэу бзэ­джэшIэгъи 9 ыкIи административнэ хэбзэукъоныгъэ 43-рэ агъэунэфыгъ. Бгъэфедэ мы­хъущт наркотик зыхэлъ пкъыгъо килограмм 13 къапкъырахыгъ.
Iофтхьабзэм къыдыхэлъытагъэу къулыкъум иIофшIэн нахь зыфэгъэзэгъагъэр пэшIоры­гъэшъ Iофтхьабзэхэм язэхэщэн ары. МыщкIэ пшъэрылъ шъхьаIэу яIагъэр наркотикхэм тхьамыкIагъоу къыздахьырэр ныбжьыкIэхэм алъыгъэIэсыгъэныр ары.
ХэбзэухъумакIохэм ныб­жьыкIэхэр нахьыбэу зыщызэ­хэхьэхэрэ чIыпIэ 47-рэ ауплъэ­кIугъ, зэдэгущыIэгъухэр ада­шIыгъ.
АР-м хэгъэгу кIоцI ­IофхэмкIэ и Министерствэ ипресс-къулыкъу