Урысыем ошIэ-дэмышIэ IофхэмкIэ и Министерствэ Адыгэ РеспубликэмкIэ и Гъэ­IорышIэпIэ шъхьаIэ къызэритыгъэмкIэ, Мыекъуапэ иура­мэу Курганнэм тет унэе унэм машIо къызэрэкIэнагъэмкIэ сыхьатыр 11.33-м мэшIогъэ­кIосэ къулыкъум макъэ къырагъэIугъ.

Мыекъопэ гарнизоным имэшIогъэкIосэ подразделениехэр тхьамыкIагъо къызыщыхъугъэ чIыпIэм псынкIэу нэсыгъэх. Унэр стэу, ащ къыпэблэгъэ псэупIэм машIор екIоу мэшIогъэкIуасэхэр рихьылIагъэх. Амалэу, кIуачIэу яIэм хагъэ­хъонэу унашъо псынкIэу ашти, мэшIогъэкIуасэхэм мылъкур нэмыкI чIыпIэ агъэкощыгъ. Сы­хьатыр 12.46-м машIор агъэ­кIосэжьыгъ. Мыщ зы нэбгыри хэкIодагъэп, зыми шъобж хи­хыгъэп.
Республикэм исхэу лъытэ­ныгъэ зыфэтшIыхэрэр, Урысыем ошIэ-дэмышIэ IофхэмкIэ и Министерствэ Адыгэ Респуб­ликэмкIэ и ГъэIорышIэпIэ шъхьа­Iэ джыри зэ шъугу къегъэкIыжьы машIом зыкъимыштэнымкIэ шапхъэу щыIэхэм шъуадэхы зэрэмыхъущтыр.
МашIом зыкъиштагъэу зы­шъулъэгъукIэ, псынкIэу телефонхэу «101»-мкIэ е «112»-мкIэ шъутеу.
Урысыем и МЧС
Адыгэ РеспубликэмкIэ
и ГъэIорышIэпIэ шъхьаI