Еджэркъуае ипшъашъэхэр анахь лъэшых
Красногвардейскэ районыр загъэпсыгъэр илъэси 100 зэрэхъурэм фэгъэхьыгъэ зэнэкъокъухэр спорт комплексэу «Кавказ» зыфиIорэм щыкIуагъэх.
ЗэкIэмкIи турнирым команди 8 хэлэжьагъ, илъэс 14 — 15 зыныбжь пшъашъэхэм заушэтыгъ.
Кощхьэблэ районым ит къуаджэу Еджэркъуае икомандэ текIоныгъэр къыдихыгъ, Мыекъопэ районым илIыкIохэм ятIонэрэ чIыпIэр къафагъэшъошагъ, Красногвардейскэ районыр ящэнэрэ хъугъэ.