КаратэмкIэ Урысыем ипервенствэ къалэу Орел щыкIуагъ.

Илъэс 14 — 15, 16 — 17 ыкIи 18 — 20 зыныбжь спортсменхэр ащ хэлэжьагъэх. Iофтхьабзэм кIэщакIо фэхъугъэх Уры­сыем спортымкIэ и Министерствэрэ УФ-м каратэмкIэ и Федерациерэ.
Къэралыгъом ишъолъыр 62-мэ къарыкIыгъэ спортсмен 1566-рэ зэнэкъокъугъэх. Илъэс 14 — 15 зыныбжьхэм якуп хэтыгъ тренерэу Лъэустэнджэл Амир ыгъэсэрэ Дмитрий Петренкэр. Ар Курскэ ыкIи Липецкэ хэкухэм, Приморскэ краим ыкIи Санкт-­Петербург ялIыкIохэм атекIуагъ ыкIи финалым ихьагъ. Ау ащ зыщыIукIэгъэ Темыр Осетием — Аланием испортсмен нахь лъэшэу къычIэкIыгъ, Адыгеим илIыкIо тыжьын медаль къыхьыгъ. Турнирым изэфэхьысыжьхэмкIэ зичэзыу спорт разряд тиспорт­смен къыфагъэшъошэщт.
«Кубок Петра Великого» зыфиIорэ зэнэкъокъум ыкIи Уры­сыем ипервенствэ ахэлэжьэнэу Дмитрий Петренкэм зегъэхьа­зыры.