рысыем и Следственнэ комитет Адыгэ РеспубликэмкIэ иследственнэ гъэIорышIапIэ ипащэ ипшъэрылъхэр зыгъэцакIэу Василий Лариным пшъэрылъ зэрафишIыгъэм тетэу Теуцожь районым игъогу техъухьэгъэ тхьамыкIагъоу зыныбжь имыкъугъэхэр зыхэкIодагъэм фэгъэхьыгъэ материалхэр хэгъэгу кIоцI Iоф­хэмкIэ къулыкъухэм къаIыхыжьыгъэу шъолъыр следственнэ комитетым ичIыпIэ следственнэ отдел етыжьыгъэным иIоф къаIэтыгъ.

ЫпэкIэ макъэ къызэрагъэIугъа­гъэу, Теуцожь районым щыщ кIалэу илъэс 17 зыныбжьыр автомобилэу Lаdа Grаntа зэрифэзэ, рулыр фэмыгъэIорышIэу ыпэкIэ къикIырэ транспортыр зэрыкIорэ гъогум телъэ­дагъ, хьылъэзещэ автомобилэу «Газелым» еутэкIыгъ. Краснодар щыщ илъэс 40 зыныбжь хъулъфыгъ рулым Iусыгъэр. Шъобжэу хахыгъэ­хэм Lаdа Grаntа иводители, илъэс 17, 18 зыныбжьыхэу ащ дисыгъэ нэбгыритIури арылIыкIыгъэх.
Следовательхэм гъогум техъухьэгъэ тхьамыкIагъор къызыхэкIыгъэр зэрагъэшIэщт, зыныбжь имыкъугъэ кIалэм транспортыр зэрифэнэу зэрэхъугъэр зэхафыщт.
УплъэкIуным икIэуххэм атетэу процессуальнэ унашъо аштэщт.