Теннис цIыкIумкIэ Адыгеим изэIухыгъэ зэнэкъокъухэр республикэм икъэлэ шъхьаIэ щыкIуагъэх. Урысыем ишъолъыри 9-мэ къарыкIыгъэ спортсмен 250-м ехъумэ заушэтыгъ.

Адыгеир турнирым къыщызыгъэлъэгъуагъэхэр республикэм икъэлэ шъхьаIэ, Кощхьэблэ, Красногвардейскэ, Мыекъопэ, Тэ­хъутэмыкъое ыкIи Теуцожь район­хэм ялIыкIохэр ары.
Зыныбжь илъэс 12-м шIомыкIыгъэхэм якуп хэтыгъэ Адам Матюшиным я 9-рэ чIыпIэр къыдихыгъ. Мыекъуапэ щыщ Артем Вариводиныр я 7-рэ хъугъэ. Нахьыжъхэм якуп хэтыгъэ Дмитрий Работяга тыжьын медаль къыфагъэшъошагъ. Ар финалым Луганскэ Народнэ Республикэм щыщ Никита Глобиным щыIукIагъ, ау текIоныгъэр къыдихын ылъэ­1кIыгъэп.
Апэрэ чIыпIэр къыдахыгъ Шытхьалэ испортсменхэу Даниил Казарцевымрэ Арина Евсюковамрэ, Тихорецкэ илIыкIоу Михаил Паньковым, Лабинскэ ыкIи Краснодар къэзыгъэлъэгъогъэхэ Дарья Кузнецовамрэ Анжелика Карнаушенкэмрэ.