Адыгэ Республикэм и Къэралыгъо быракъ и Мафэ мэлылъфэгъум и 25-м хагъэунэфыкIы.
Адыгэ Республикэм и Къэралыгъо филармоние мэфэкI Iофтхьабзэхэр щыкIощтых.
Республикэм искусствэмкIэ иIэпэIасэхэм яIэшIагъэхэр сыхьатыр 5-м къыщегъэжьагъэу Къэралыгъо филармонием ифойе къыщагъэлъэгъощтых ыкIи щащэщтых.
Пчыхьэм сыхьатыр 6-м мэфэкI зэIукIэр аублэщт, Адыгэ Республикэм иартистхэм ямэфэкI концерт ащ къыкIэ­лъыкIощт.
Республикэм щыпсэухэрэр ыкIи ихьакIэхэр зэкIэ мэфэкI Iофтхьабзэхэм ахэлэжьэнхэу арагъэблагъэх.