ЧIыпIэ зыгъэIорышIэжьыным и МафэкIэ тышъуфэгушIо!
Хэбзэ къулыкъоу цIыфхэм яIофыгъохэм язэшIохын нахь фэгъэзагъэр чIыпIэ зыгъэIорышIэжьынэу Урысыем иконституционнэ гъэпсыкIэ ылъапсэхэм зыкIэ ащыщыр ары. Джащ фэдэу демократическэ къэралыгъо гъэпсыкIэм изегъэушъом­бгъуни ар фэлажьэ.
Муниципальнэ къулыкъушIэхэм цIыфхэм занкIэу Iоф адашIэ, чIыпIэ мэхьанэ зиIэ Iофыгъохэр зэшIуахых. Инвестициехэр нахьыбэу къахалъхьанхэм тегъэ­псыхьэгъэ пшъэрылъхэр чIыпIэ зыгъэIорышIэжьынымкIэ къулыкъухэм яIофышIэхэм агъэцакIэх, псэупIэ-коммунальнэ хъызмэтым зэпыу фэмыхъоу Iоф зэришIэщтым анаIэ тырагъэты, социальнэ инфраструктурэм изегъэушъомбгъун, муниципалитетхэм яэкономикэ зыкъегъэIэтыгъэным япхыгъэ Iофыгъохэр зэшIуахых.
ЧIыпIэ зыгъэIорышIэжьынымкIэ къулыкъухэм яIофышIэхэм а пстэури къадэ­хъун языгъэлъэкIырэр IэпэIэсэныгъэшхо зэрахэлъыр, шIэныгъэ куу зэряIэр, яIоф пшъэдэкIыжьэу пылъыр икъоу къазэрагурыIорэр ары. Урысые Федерацием и Президентэу Владимир Путиным зэрэхигъэунэфыкIыгъэу, «ухьазырыныгъэ дэгъу зиIэ, хэхъоныгъэ зышIын, мэхьанэшхо зиIэ чIыпIэм чанэу щылэжьэн зылъэкIыщт цIыфхэр ащ фэдэ IофшIапIэм къыIухьанхэу лъэшэу тыфай».
Адыгеим имуниципальнэ къулыкъушIэхэм шIуагъэ къытэу япшъэрылъхэр зэрагъэцакIэхэрэм, цIыфхэр зыгъэгумэкIырэ Iофыгъохэм язэшIохын яшъыпкъэу зэрекIуалIэхэрэм тицыхьэ тырегъэлъы тапэкIи ахэм хъупхъэу Iоф зэрашIэщтым, муниципальнэ образованиехэм, республикэм яхэхъоныгъэ яIахь зэрэхашIыхьащтым.
Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, Адыгеим исхэм яфедэхэр къэжъугъэгъунэзэ, шъуиIофшIэн тапэкIи гъэхъагъэхэр щышъушIынэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр