Хэгъэгум имэфэкI шъхьаIэу ТекIоныгъэм и Мафэ къэблагъэ. Хабзэ зэрэхъугъэу, жъоны­гъуакIэм и 9-м ипэгъокIэу Урысыем ишIэжь чIыпIэ хэхыгъэмэ ащыщэу Волгоград щыIэ Мамай Iуашъхьэу зэошхо зыщыкIуагъэм Адыгеим илIыкIо куп щыIагъ.

Ветеран организациехэм япащэхэм, общественнэ организациехэм ыкIи ныбжьыкIэ пэрытхэм ялIыкIохэм Хэгъэгу зэошхом хэкIодагъэхэм яшIэжь агъэлъэпIагъ. Адыгеим къыщыхъугъэхэу Сталинград къэзыухъумэгъэ дзэкIолIхэм афагъэуцугъэ шIэжь саугъэтым ахэр кIэрыхьагъэх.
ЯтIонэрэ дунэе зэошхом Сталинград зэуапIэр къэгъэзапIэ фэхъугъагъ. Къалэр пыйхэм аштэшъугъэп, ащ дакIоу тихэгъэгушхуи къызэтенагъ.
«Адыгеим ишъаохэу, ипшъашъэхэу Сталинград къэзыухъумагъэхэм тарэгушхо! ЕгъэшIэрэ щытхъур яфэшъуаш!», — къыщитхыгъ АР-м и ЛIышъхьэу КъумпIыл Мурат и Телеграм-канал.