АР-м псэолъэшIынымкIэ, транспортымкIэ, псэупIэ-коммунальнэ ыкIи гъогу хъызмэтымкIэ и Министерствэ иколлегие лъэпкъ проектхэр 2023-рэ илъэсым зэрэпхыращыгъэхэм фэгъэхьыгъэ зэхэсыгъо иIагъ.

Ащ хэлэжьагъ шъолъыр Парламентым псэолъэшIынымкIэ, транспортымкIэ, зэпхыныгъэ­хэмкIэ ыкIи псэупIэ-комму­нальнэ хъызмэтымкIэ и Комитет ипащэу Олег Картамы­шевыр.
«Щынэгъончъэ ыкIи шэпхъэшIухэм адиштэрэ гъогухэр» зыфиIорэ проектым къыдыхэлъытагъэу зэшIохыгъэ хъугъэхэм къатегущыIагъ автомобиль гъогухэм я ГъэIорышIапIэу «Адыгеяавтодорым» ипащэу Алексей Корешкиныр. Ащ къызэриIуагъэмкIэ, гъэрекIо Гъо­зэрыплъэрэ Лэгъо-Накъэрэ зэ­зыпхыхэрэ гъогум ишIын лъагъэкIотагъ, шIыгъахэхэу агъэ­федэхэрэм ащыщыбэхэр шап­хъэхэм адиштэу агъэкIэжьыгъэх. ПстэумкIи сомэ миллиарди 2-рэ миллион 390-м ехъу ахэм апэ­Iухьагъ.
ПсэупIэ-коммунальнэ хъыз­мэтымкIэ ГъэIорышIапIэм ипащэу Ныбэ Руслъан лъэпкъ про­ектэу «ПсэупIэр ыкIи къэлэ щыIакIэр» зыфиIорэм ипхырыщын пае аштэгъэ федеральнэ проектэу «Псы къабзэр» гъэцэкIагъэ зэрэхъурэм къытегущыIагъ. Ащ къызэрэщигъэ­гъозагъэхэмкIэ, псы къабзэр цIыф­хэм аIэкIэгъэхьэгъэным фытегъэпсыхьагъэу 2023-рэ илъэсым псэолъэ 14 респуб­ликэм щашIыгъ. Ахэм сомэ миллион 303-м ехъу атефагъ. 2019 — 2024-рэ илъэсхэм ­лъэпкъ проектым къыдыхэ­лъы­тагъэу зэшIуахыщтхэм апае сомэ миллион 764,7-рэ агъэнэфагъ.
— Роспотребнадзорым АР-кIэ и ГъэIорышIапIэ къызэриты­гъэмкIэ, 2024-рэ илъэсым ищы­лэ мазэ и 1-м нэс пштэмэ, шэпхъэшIухэм адиштэрэ псы къабзэр республикэм исым ипроцент 84,1-мэ аIэкIахьэ, — къыIуагъ ГъэIорышIапIэм ипащэ.
Джащ фэдэу пыдзэфэ пы­тэхэм ядэщын фэгъэхьыгъэ программэм къыдыхэлъыта­гъэхэм ягъэцэкIэн тегущыIагъэх. АР-м икъэралыгъо бюджет учреждениеу «Стройзаказчик» зыфиIорэм илъэсым ышIагъэр зэфахьысыжьыгъ, 2024-рэ илъэ­сымкIэ зэшIохыгъэн фаехэр агъэнэфагъэх.