Социальнэ IофшIэным фэгъэхьыгъэ зэхэсыгъу
Адыгэ къэралыгъо университетым мы мафэхэм я II-рэ Урысые шIэныгъэ конференциеу «Джырэ лъэхъаным социальнэ IофшIэныр: теориер ыкIи практикэр» зыфиIорэр щыкIуагъ. Урысыем, Азербайджан, Белоруссием ыкIи Кыргызстан яшIэныгъэлэжьи 180-рэ фэдиз ащ хэлэжьагъ.
Iофтхьабзэр программэу «Приоритет 2030» зыфиIорэм къыдыхэлъытагъэу, унагъом и Илъэс фэгъэхьыгъэу зэхащагъ. АР-м IофшIэнымрэ социальнэ хэхъоныгъэмрэкIэ и Министерствэрэ гъэсэныгъэмкIэ Урысые академием ишъолъыр гупчэрэ ащ кIэщакIо фэхъугъэх.
Конференцием ипленарнэ зэхэсыгъо ыуж тематическэ секции 8-м Iоф ашIагъ. Iофтхьабзэм хэлэжьагъэхэр зигъо гумэкIыгъохэм атегущыIагъэх, научнэ гъэхъагъэу, социальнэ IофшIэнымкIэ ушэтын ыкIи практическэ опытэу яIэмкIэ зэдэгощагъэх.
Адыгэ къэралыгъо университетым социальнэ лъэныкъом фэгъэзэгъэ специалистхэм ягъэхьазырынкIэ опытышIу иI. 1997-рэ илъэсым щегъэжьагъэу мы пшъэрылъыр егъэцакIэ. 2010-м соци-
альнэ IофышIэхэр къычIагъэкIыхэу аублагъ, ахэм психолого-педагогическэ гъэсэныгъэ яI. Университетым джащ фэдэу гъэсэныгъэмкIэ Урысые академием и Адыгэ шIэны-
гъэ-гъэсэныгъэ гупчэ хэт, ащ инновационнэ проект зэфэшъхьафхэр щагъэхьазырых.
Адыгэ къэралыгъо университетым ипресс-къулыкъу