ГандболымкIэ Урысые зэнэкъокъухэм яфинал едзыгъо къалэу Астрахань щырагъэжьагъ.

Зыныбжь илъэс 13-м шIомыкIыгъэ пшъашъэхэр ащ хэлажьэх. Адыгеир турнирым къыщызы­гъэлъагъохэрэр спорт еджапIэу С. М. Джэнчатэм ыцIэ зыхьырэм зыщызыгъасэхэрэр ары.
ЗэрагъэнэфагъэмкIэ, тренер-­кIэлэегъаджэу Валерий Гончар зипэщэ командэм ешIэгъуи 5 иIэщт. Санкт-Петербург, Москва, Астрахань, Краснодар ыкIи Самарэ ялIыкIохэм янэкъокъущт. Апэрэ зэIукIэгъур тигандбо­листкэхэм ашIуахьыгъ, пчъагъэр 16:22-у Краснодар щыщхэр къатекIуагъэх.
Купэу «А-м» хэт командэхэр:

1. «СШОР N 9» (Ярославль).
2. «Академия гандбола-2» (Краснодар).
3. «Московскэ гандбольнэ академиер»
4. «Кировскэ районым и СШОР» (Санкт-Петербург).
5. «Самарскэ хэкур-1» (Самара)
6. «Динамо-1» (Волгоград).
   Купэу «Б-р»:
7. «Самарскэ хэкур-2».
8. «Академия гандбола-1» (Краснодар).
9. «СШОР-у В.А. Гладченкэм ыцIэ зыхьырэр» (Астрахань).
10. «Московскэ районым и СШОР-у N 1» (Санкт-Петербург).
11. «Кунцево» (Москва).
12. «Спорт еджапIэу С. М. Джэн­чатэм ыцIэ зыхьырэр» (Мыекъуапэ).